នៅថ្ងៃទី១២ ខែកុម្ភៈ ឆ្នាំ២០២៤ លោកគ្រូ ថាន់ ថាភិរម្យ ជាគ្រូបង្រៀនថ្នាក់ទី៤គ នៃសាលាបឋមសិក្សាអនុវត្តន៍ ហ៊ុនសែន(កម្មវិធីសាលារៀនជំនាន់ថ្មី) បានដឹកនាំសិស្សសិក្សាអំពីការពិសោធន៍រករូបផ្គុំផ្សេងៗនៃផ្កា ដោយមានការចូលរួមជួយដោយអ្នកគ្រូជនជាតិជប៉ុន។

សកម្មភាពមុនពេលពិសោធន៍

លោកគ្រូបានដឹកនាំសិស្សរៀបចំសម្ភារៈសម្រាប់ពិសោធន៍តាមក្រុមដូចជា

• ផ្កា៣ប្រភេទ
• កូនដង្កាប់
• កន្ត្រៃ
• ក្រដាសរ៉ាម
• ស្កុត

បែងចែកសិស្សជា៤ក្រុម

ណែនាំអំពីការពិសោធន៍

សកម្មភាពអំឡុងពេលពិសោធន៍

• សិស្សចាប់ផ្ដើមយកផ្កាមកពុះជាពាក់កណ្ដាលដោយប្រើកន្ត្រៃ
• សិស្សសង្កេតមើលផ្កាដែលបានពុះ
• សិស្សយកកូនដង្កាប់មកទាញយកផ្នែកផ្សេងៗនៃផ្កាដាក់លើក្រដាសរ៉ាម ហើយបិទស្កុតពីលើ(ត្របកផ្កា ស្រទាប់ កេសរឈ្មោល និងកេសរញី)
• សិស្សចាប់ផ្ដើមសង្កេត ហើយសរសេរឈ្មោះរូបផ្គុំនៃផ្កា

សកម្មភាពក្រោយពេលពិសោធន៍

• សិស្សសង្កេត ហើយប្រៀបធៀបរូបផ្គុំនៃផ្កាទាំងបីប្រភេទ
• សិស្សតាមក្រុមបង្ហាញពីលទ្ធផលនៃការពិសោធន៍

បំណិនផ្សារភ្ជាប់និងជីវភាពប្រចាំថ្ងៃ

ក្រោយពេលសិស្សរៀនមេរៀននេះចប់ សិស្សអាចយកទៅអនុវត្តន៍ពិសោធន៍ផ្ទាល់លើផ្កាផ្សេងៗទៀត។

នៅថ្ងៃទី៣១ ខែមករា ឆ្នាំ២០២៤ សិស្សានុសិស្សថ្នាក់ទី៤ក នៃសាលបឋមសិក្សាអនុវត្តន៍ ហ៊ុនសែន មានសិស្សសរុបចំនួន ៣៦នាក់​​ ដែលបង្រៀនដោយអ្នកគ្រូ មឿន ស៊ីណា ជាគ្រូបង្រៀនកុំព្យូទ័រកម្រិតបឋម។ សិស្សានុសិស្សបានស្វែងយល់អំពីរបៀបដាក់ដៃនៅលើKeyboard តាមរយៈផ្ទាំងខាងក្រោម ដែលបបញ្ជាំងនៅលើផ្ទាំងស្លាយ។នៅពេលបង្ហាញផ្ទាំងនេះ អ្នកគ្រូបានចោទសួរសិស្សអំពីរបៀបដាក់សម្រាមដៃនីមួយៗដោយការចាប់ឈ្មោះ។ បន្ទាប់មកអ្នកគ្រូបានចែកផ្ទាំងនេះដល់សិស្សម្នាក់មួយសន្លឹក។

ក្រោយពេលសិស្សបានស្វែងយល់អំពីរបៀបដាក់ដៃនៅលើKeyboard សិស្សទាំងអស់បានចូលអនុវត្តន៍ក្នុងកម្មវិធី Rapid Typing វាយអក្សរជាភាសាអង់គ្លេសតាមលំដាប់លំដោយនៃមេរៀន។ សូមបញ្ជាក់ផងដែរថាកម្មវិធីRapid Typingនេះពុំត្រូវការប្រើប្រាស់អ៊ីនធឺណែតនោះទេ។ ខាងក្រោមនេះជាលីងតំណភ្ជាប់សម្រាប់តម្លើងកម្មវីធីRapid Typing.

លីងតំណភ្ជាប់ៈ https://rapidtyping.com/downloads.html

ខណៈពេលដែលសិស្សានុសិស្សកំពុងវាយអក្សរក្នុងកម្មវិធីRapid Typing មានកិត្តិយសណាស់ដែលខាងប្រធាន និងអនុប្រធានការិយាល័យបឋមនៃមន្ទីអប់រំ យុវជន និងកីឡាខេត្តកំពង់ចាម ព្រមទាំងក្រុមការងារបានចុះត្រួតពិនិត្យសកម្មភាពរៀន និងបង្រៀននៅសាលាបឋមអនុវត្តន៍ ហ៊ុនសែនលោកក៏បានឈាងចូលនៅក្នុងបន្ទប់កុំព្យូទ័រផងដែរ។ លោកប្រធាន និងអនុប្រធាន លោកបានកោតសរសើរចំពោះការបង្រៀន និងរៀនបែបនេះ លោកថែមទាំងបានលើកទឹកចិត្តដល់គ្រូទទួលបន្ទុកបង្រៀនកុំព្យូទ័រឱ្យបន្តរក្សាការបង្រៀនបែបនេះកុំឱ្យបាត់បង់ និងបន្តរកអ្វីដែលថ្មីៗសម្រាប់សិស្សានុសិស្ស។

ក្រោយពេលសិស្សរៀនមេរៀននេះចប់ អ្នកគ្រូបានទម្លាក់លីងកម្មវិធីនេះចូលក្នុងក្រុមថ្នាក់ទី៤ក ដើម្បីឱ្យអាណាព្យាបាលសិស្សតម្លើងកម្មវិធីនេះរៀនវាយនៅផ្ទះរៀងៗខ្លួន។ ចំណែកឯសិស្សដែលពុំមានកុំព្យូទ័រ សាលាបានអនុញ្ញាតឱ្យសិស្សមកសិក្សានៅក្នុងបន្ទប់បណ្ណាល័យដែលមានកុំព្យុទ័រចំនួន ២គ្រឿង និងបន្ទប់កុំព្យូទ័រដែលមានចំនួន ៣៦គ្រឿង។​ ពេលសិស្សវាយអក្សរនៅក្នុងកម្មវិធីនេះចប់សិស្សមានបំណិនក្នុងការវាយអក្សរ ពាក្យបានលឿន និងត្រឹមត្រូវ។

នៅថ្ងៃទី ១៨ ខែ កញ្ញា ឆ្នាំ ២០២៣ សិស្សានុសិស្សថ្នាក់ទី៦ខ បានចែករំលែកពីប្រធានបទការមានសុជីវធម៌ក្នុងសង្គម នៅដងទង់ជាតិ បន្ទាប់ពីពួកគេបានរៀនពីរបៀបធ្វើស្លាយនិងធ្វើបទបង្ហាញក្នុងម៉ោងកុំព្យូទ័រ។ ពួកគេបានជ្រើសរើសប្រធានបទនេះឡើង ដើម្បីធ្វើបទបង្ហាញនិងចែករំលែកទៅកាន់សិស្សានុសិស្សរួមសាលាដទៃទៀត ព្រោះសុជីវធម៌ក្នុងការរស់នៅពិតជាមានសារសំខាន់មែនទែនសម្រាប់មនុស្សគ្រប់គ្នា។

តាមរយៈសកម្មភាពនេះ សិស្សានុសិស្សកំពុងតែរៀនពីការចែករំលែក និង ពង្រឹងភាពក្លាហានរបស់ពួកគេក្នុងវ័យក្មេង។ មួយវិញទៀតពួកគេ ក៏បានរៀនរិះគិតពីចំណុចដែល អាចជាប្រយោជន៍ដល់សិស្សដទៃទៀត។

សិស្សានុសិស្សថ្នាក់ទី ២គ បានរៀនពីទម្ងន់ និង ការប្រៀបធៀបពីរគិតជាគីឡូក្រាមដោយប្រើពាក្យធ្ងន់ជាង ស្រាលជាង និង ស្មើ។ ក្នុងសម្មភាពរៀននិងបង្រៀននេះផងដែរ សិស្សានុសិស្សបានអនុវត្តដោយជញ្ជីងថ្លឹងវត្ថុផ្សេងៗជាក់ស្ដែង និង ប្រាប់ពីទម្ងន់ដែលពួកគេបានប្រៀបធៀប។

សិស្សានុសិស្សថ្នាក់ទី ៣ក បានរៀនពីបរិមាណចតុកោណកែង និង ធ្វើការងារក្រុមដើម្បីអនុវត្តអ្វីដែលបានរៀន។ យើងសង្កេតឃើញថា សិស្សានុសិស្សមានការយកចិត្តទុកដាក់ និង ចូលរួមយ៉ាងសកម្មក្នុងការថ្នាក់រៀន។

នៅថ្ងៃទី ៣០ ខែ សីហា ឆ្នាំ ២០២៣ សិស្សានុសិស្សថ្នាក់ទី៤ក បានអនុវត្តធ្វើលំហាត់ភាគរយជាបុគ្គលលើក្ដារឈ្នួនដើម្បីហ្វឹកហាត់មេរៀនដែលបានរៀនរួច។ សិស្សានុសិស្សបានធ្វើលំហាត់ជាច្រើន ហើយអ្នកគ្រូក៏បានកែកំហុស និង ពង្រឹងចំណេះដឹងរបស់សិស្សបន្ថែមទៀតដោយពន្យល់ និង ណែនាំពីរបៀបការគណនាចម្លើយឱ្យបានត្រឹមត្រូវ។