សកម្មភាពបំណិនជីវិតសម្អាតស្រោមជើងរបស់សិស្សថ្នាក់ទី1ក។ សិស្សបានយល់ដឹងអំពីរបៀបនៃការសម្អាត ពេលពួកគេត្រឡប់ទៅផ្ទះវិញ ពួកគេបានរៀនសម្អាតស្រោមជើង ក្រវ៉ាត់ក សម្លៀកបំពាក់របស់ពួកគេបានដោយខ្លួនឯង។
ដឹកនាំដោយ: អ្នកគ្រូ សន សុខឡៃ

សកម្មភាពសិស្សថ្នាក់ទី2(ខ) កាត់ក្រដាសបិតធ្វើរូបផ្លែឈើ។ សិស្សានុសិស្សបានប្រើប្រាស់សម្ភារៈដូចជាកន្ត្រៃ កាវជាដើមយ៉ាងប្រុងប្រយ័ត្ន និងកែច្នៃបិតជារូបផ្លែឈើយ៉ាងស្រស់ស្អាត។

សកម្មភាពសិស្សប្រមូលផលដំណាំសាលាដលើទឹក។ ចំពោះការដាំដំណាំក្នុងសាលាពុំមានប្រើជីគីំមីនោះទេ គឺប្រើតែជីកំប៉ុសដែលផលិតដោយសិស្សក្នុងសាលារៀននេះផ្ទាល់។ បន្ទាប់ពីដកសាលាដចេញពីថ្នាលលើទឹក សិស្សបានយកទៅលាងទឹកសម្អាតឲ្យបានស្អាត និងត្រៀមដាក់លក់ ក្នុងនោះមានលោកគ្រូ អ្នកគ្រូ មាតាបិតា និងអាណាព្យាបាលទិញយកទៅធ្វើម្ហូប។ ក្រោយពេលលក់បន្លែអស់សិស្សានុសិស្សសប្បាយរីករាយណាស់ ហើយថវិកាដែលទទួលបានសិស្សទុកដាំបន្លែផ្សេងៗទៀតជាថ្មី។ សាលារៀននេះមានគោលបំណងគឺចង់ឲ្យសិស្សបានយល់ដឹង និងបានអនុវត្តន៍ដោយផ្ទាល់អំពីការដាំដំណាំលើទឹក ការផលិតជីកំប៉ុសធម្មជាតិ ការថែទាំ និងការប្រមូលផល។
ដឹកនាំដោយ: លោកគ្រូ ណោរ៉ា

បន្ទាប់ពីរៀនទ្រឹស្ដីសិស្សបានអនុវត្តន៍ជាក្រុមក្នុងការបណ្ដុះកូន​ស្ពៃ​ក្រញ៉ាញ​ដំណាំលេីទឹក។ ដឹកនាំដោយ៖ លោកគ្រូ ណោ រ៉ា

បំណិនជីវិត ការថែទាំ និងស្រោចទឹកដំណាំត្រកួន របស់សិស្សថ្នាក់ទី4ក។ សិស្សានុសិស្សតែងតែយកចិត្តទុកដាក់លើដំណាំដែលបានដាំ ពួកគេបានដាក់វេនគ្នាក្នុងការស្រោចទឹក និងតាមដានការលូតលាស់ដំដាំពីមួយថ្ងៃទៅមួយថ្ងៃ នេះក៏ចូលក្នុងបំណិនសង្កេតផងដែរ។ ក្រោយពេលទទួលបានផលដំណាំនេះ កូនសិស្សនឹងយកបន្លែទាំងនេះទៅធ្វើជាម្ហូបដូចជាឆា សម្ល អន្លក់ ជាដើមនៅក្នុងថ្នាក់រៀន នេះក៏ចូលជាបំណិនដាំស្លផងដែរ។

ដឹកនាំដោយ៖ អ្នកគ្រូ ឈីន បូណាវត្តី

សិស្សានុសិស្សថ្នាក់ទី4ក បានប្រមូលផលដំណាំត្រកួន ដែលពួកគេមើលថែបានយ៉ាងល្អកន្លងមក ពួកគេបង្ហាញនូវទឹកមុខសប្បាយរីករាយចំពោះសមិទ្ធិផលនេះណាស់ ព្រោះដើម្បីទទលបានសមិទ្ធិផលនេះពួកគេបានសាមគ្គីគ្នាក្នុងការដាំ និងមើលថែដោយយកចិត្តទុកដាក់ពីមួយថ្ងៃទៅមួយថ្ងៃ ដោយបានរៀបចំវេនគ្នា។ ពួកគេបានបន្លែត្រកូនយកទៅផ្ទះរៀងៗខ្លួនដើម្បីបង្ហាញជូនក្រុមគ្រួសារ ថាកូនអាចដាំត្រកូនបានផលល្អដោយមិនប្រើជីគីមី។ ក្រុមគ្រួសារក៏បានយកបន្លែនេះទៅធ្វើម្ហូបផ្សេងៗគ្នា លុះពេលមកដល់សាលាវិញសិស្សបានចែករំលែកគ្នាត្រកួនបានយកទៅចម្អិនបានម្ហូបអ្វីខ្លះ។

ដឹកនាំដោយ: អ្នកគ្រូ ឈីន បូណាវត្តី

គ្រឿងផ្សំមានដូចជា៖
-ប្រទាលកន្ទុយក្រពើ (9ខាំ)
-ក្រូចឆ្មារ(3ខាំ)
-ទឹកឃ្មុំ1ស្លាបព្រាបាយ
-ស្ករស 3ខាំ
-អំបិល ចុងស្លាបព្រាកាហ្វេ
-ស្លឹកតើយ

របៀបធ្វើ៖
1. ចិតប្រទាលកន្ទុយក្រពើឱ្យបានស្អាតល្អ រួចចិញ្ច្រាំវាឱ្យទៅជាចំណែកតូចៗល្មម បន្ទាប់មកត្រូវលាងទឹកឱ្យបានស្អាត
2. ដាក់ដាំទឹកឱ្យពុះ
3. យកស្លឹកតើយទៅដាក់ដាំឱ្យពុះ តិចឬច្រើនអាស្រ័យលើអ្នកចូលចិត្តក្លិនរបស់វា
4. យកទឹកក្រូចឆ្មារ ទឹកឃ្មុំ និងស្ករសទៅច្រោះជាមួយនឹងទឹកស្លឹកតើយដែលទើបនឹងពុះដើម្បីឱ្យរលាយសព្វ និងបានស្អាតល្អ
5. នៅពេលទឹកដែលយើងបានដាំពុះ ត្រូវបង់សាច់ប្រទាលកន្ទុយក្រពើ និងគ្រឿងផ្សំដែលយើងបានច្រោះនោះចូល រួចកូរវាថ្មមៗឱ្យសព្វ
6. បន្ទាប់មកទៀត ដាំវាពុះម្ដងទៀតជាការស្រេច